Corona virus

Tíðindi


21. januar 2021 | kl. 09:17

84 prosent av føroyingunum vilja koppsetast

Heilsumálaráðið:Nógv teir flestu føroyingarnir ætla at lata seg koppseta beinanvegin, teir fáa møguleika fyri tí. Nøkur vilja tó bíða, men bara ein heilt lítil partur sigur nei til koppseting

Eftir eini spurnakanning at døma, sum Spyr.fo hevur gjørt fyri Heilsumálaráðið, fara nógv teir flestu vaksnu føroyingarnir at lata seg koppseta fyri koronu.

Sløk 67 prosent siga seg vilja koppsetast, beinanvegin tey fáa tað í boði, stívliga 14 prosent ætla at lata seg koppseta, men vilja bíða eitt sindur, og 3 prosent av teimum, sum svaraðu spurnakanningini, eru longu koppsett. Um hesi tølini halda, fara 84 prosent av føroyingum  sum eru 16 ár og eldri at vera koppsett, tá koppsetingarætlanin einaferð er komin á mál.

Bara sløk 6 prosent svaraðu, at tey ikki ætla at lata seg koppseta, og umleið 10 prosent vistu ikki.

Býtt eftir aldri eru tað serliga tey eldru ættarliðini, ið eru mest gramm eftir at blíva koppsett, meðan tey yngru ættarliðini eru eitt sindur meira ivasom.

Kaj Leo Holm Johannesen, landsstýrismaður í heilsumálum, fegnast um tølini. Eitt týðandi mál við føroysku koppsetingarætlanini er nevniliga at røkka flokkimmuniteti – tað er, at alt fólkið verður mótstøðuført mótvegis koronu – og tá er tað avgerandi, at ein nóg stórur partur av fólkinum letur seg koppseta.

Hvussu stórur hesin parturin skal vera, veldst um virknaðin á vaksinunum, ið verða brúktar., Men við teimum vaksinunum, sum í dag eru til taks, og tí hjá Astra/Zeneca, ið væntast á marknaðin skjótt, er tað  nøktandi, um 80 prosent ella meira verða koppsett.

At tað bara er ein heilt lítil partur, sum ikki vil vita av vaksinuni, er gleðiligt. Eg havi sjálvandi fult forstáilsi fyri, at tað eisini eru fólk, sum eru í iva, tí alt hevur jú gingið óvanliga skjótt. Vanliga tekur tað fleiri ár at menna slíkar vaksinur. Men fyri samlaðu myndina og útlitini fyri framtíðina er tað avgerandi, at ein stórur meiriluti av fólkinum letur seg koppseta, og tað sær út til at fara at eydnast, sigur Kaj Leo Holm Johannesen.

Covid19 - føroysk hagtøl

Status Covid19 - 21. januar kl 9 tal av fólki

hava fingið staðfest smittuna

652

smittað í løtuni

7

eru vorðin frísk aftur

644

eru í sóttarhaldi

27

eru kannað fyri smittuna

217.211

eru innløgd á sjúkrahúsi

0

deyð

1

seinast dagført 21. januar

Spritta hendur

Vaska hendurnar

Styrkivenjing á matriklinum

Nýggjar leiðreglur fyri heimkomnar útisiglarar og arbeiðandi føroyingar

Nú eru nýggjar leiðreglur galdandi fyri útisiglarar og arbeiðandi føroyingar, sum koma heim aftur til Føroya úr øðrum londum enn teimum, sum latið er upp fyri. Aðalmálið við skipanini er at gera tað lættari hjá hesum bólkum at lata seg kanna fyri COVID-19, tá ið hesi eru heimafturkomin til Føroya.

Nú eru serstakar leiðreglur gjørdar fyri føroyskar útisiglarar og arbeiðandi føroyingar, sum koma heim aftur til Føroya úr øðrum londum. Nýggju leiðreglurnar merkja, at heimkomnir útisiglarar og arbeiðandi føroyingar kunnu loysast úr heimauppihaldinum skjótari við at lata seg kanna tvær ferðir. Sostatt verður heimauppihaldið fyri útisiglarar og arbeiðandi føroyingar stytt, tó er hetta treytað av, at hesi lata seg kanna skjótast gjørligt eftir komu og aftur seks dagar eftir fyrstu kanning. Tað skulu ganga í minsta lagi fimm dagar millum fyrstu og aðru kanning. 

Leiðreglurnar fyri útisiglarar og arbeiðandi føroyingar, sum koma heim úr øðrum enn teimum fimm londunum, eru hesar:

  1. Ferðandi fara beinleiðis í heimauppihald eftir komu til Føroya.
  2. Ferðandi skulu lata seg kanna skjótast gjørligt - helst sama dag, sum komið verður heim. Ferðandi kunnu seta seg í samband við kanningarstovuna Thetis fyri at verða kannað.
  3. Seks dagar eftir fyrstu kanning skulu ferðandi aftur lata seg kanna. Tað skulu ganga í minsta lagi fimm dagar millum fyrstu og aðru kanning. 
  4. Negativ kanningarúrslit við komu og síðani aftur seks dagar eftir fyrstu kanning loysir tann ferðandi úr heimauppihaldinum.
  5. Øll fólk, sum nýliga eru komin til landið, eiga at vera serliga ansin og fylgja almennu tilmælunum um frástøðu og gott reinføri. Kennir tú teg sjúkan, skalt tú lata teg kanna beinanvegin.

Koronakanningarnar verða framdar á kanningarstovuni hjá Thetis í Tórshavn. Tann ferðandi rindar sjálvur fyri kanningina. Les meira og bílegg tíð til kanning á www.thetis.fo.

Landsstýrið mælir framhaldandi føroyingum frá at ferðast í onnur lond enn Danmark, Grønland, Ísland, Noreg og Týskland.

Les meira um ferðing til og úr Føroyum her.

 

Sóttarhald, sjálvboðið ella álagt

- við frástøðu steðga vit korona, Covid-19

Nógvir spurningar vísa seg at snúgva seg um sóttarhald, og hvat ein kann gera, tá ið man skal vera heima.

Spurningar, sum snúgva seg um munin ímillum at vera heima, tá ið man hevur verið uttanlands, tá ið ein hevur verið í samband við ein persón, sum hevur fingið Covid-19, og tá ið ein hevur fingið staðfest Covid-19.

Vit hava við støði í kunningini á corona.fo sett boðini grafiskt upp í eini mynd.

Sóttarhald, sjálvboðið ella álagt

Sóttarhald pdf-fíla